Qazaqstanda ónerkásip ónimderiniń baǵasy jyl basynan beri 11,4%-ke ósti
ASTANA. QazAqparat - Qazaqstanda ónerkásip ónimderin óndirýshi kásiporyndar ónerkásip sıpatyndaǵy qyzmetterdi qosqandaǵy baǵany 2017 jyldyń qazanynda 2016 jyldyń qazanymen salystyrǵanda 11,4%-ke arttyrdy, dep habarlaıdy «QazAqparat» HAA QR Ulttyq ekonomıka mınıstrliginiń Statıstıka komıtetine silteme jasap.
Jyl basynan beri qaıta óńdeý ónerkásibi salasyndaǵy óndirýshi-kásiporyndardyń baǵasy 6,7%-ke, taý-ken salasyndaǵylardiki 16,3%-ke ósti. Óndirilgen ónerkásip ónimderi 11,9%-ke, ónerkásip sıpatyndaǵy qyzmetter 6,9%-ke qymbattady.
Esepti kezeńde mazýt 27,3%-ke, tabıǵı gaz 24,5%-ke, munaı 18,7%-ke, dızeldi otyn 13,4%-ke, kómir 10,9%-ke, suıytylǵan propan jáne býtan 9,9%-ke, benzın 8,1%-ke, metall rýdalary 7,4%-ke qymbattaǵan.
Mystyń baǵasy 18%-ke ósken, myrysh 17%-ke, alıýmınıı 11,5%-ke, qorǵasyn 8,6%-ke, ferroqorytpalar 6,6%-ke, qundy metaldar 3,2%-ke, qara metaldardyń prokaty 1,6%-ke qymbattady.
Іri qara etin óndirýshilerdiń baǵasy 7,1%-ke ósken, sondaı-aq sút ónimderin (6,8%), kúrish (5%), shaı (3,7%), nan (2,2%), balyq (2,1%), makaron ónimderin (1,8%), margarın (1%) óndirýshilerdiń baǵasy da ósken.
Al jarma (26,4%), qant (20,6%), qara bıdaı unyn (9,4%), bıdaı unyn (2,6%), ósimdik maıyn (7,6%), qus etin (6,1%) óndirýshilerdiń baǵasy kerisinshe tómendegen.
