Qazaqstanda ónerkásip ónimderin óndirýshi kásiporyndarda baǵalar 1 paıyzǵa arzandady - Statıstıka
ASTANA. Qarashanyń 2-si. QazAqparat - 2009 jyldyń qazanynda Qazaqstanda ónerkásip ónimderin óndirýshi kásiporyndarda baǵalar 1 paıyzǵa arzandady,
dep habarlaıdy QazAqparat QR Statıstıka jónindegi agenttiktiń baspasóz qyzmetine silteme jasap.
Statıstıka agenttiginen habarlaǵandaı, ótken qazan aıynda onyń aldyńǵy aımen salystyrǵanda taý-ken óndirý ónerkásibinde baǵalar 2,4 paıyzǵa tómendedi, al qaıta óńdeý ónerkásibinde, kerisinshe - 0,9 paıyzǵa jáne elektrenergııany, gaz jáne sýdy óndirý men taratýda - 0,5 paıyzǵa artqan.
Ótken aıda munaı baǵasynyń 3,4 paıyzǵa, gaz kondensatynyń - 1,9-ǵa, óńdelmegen alıýmınııdiń - 0,3 paıyzǵa tómendegeni tirkelse, propan men suıytylǵan býtan - 7,3, metal rýdalar - 6,8 jáne ferroqorytpalar - 1,7 paıyzǵa qymbattady.
Sondaı-aq bıdaı uny - 4,6 paıyzǵa, jarmalar - 1,3, ósimdik maıy men makaron ónimderi - 0,7 paıyzǵa arzandaı tússe, kúrish - 7,9, qant - 3,9, balyq - 3,6, spırt - 3,2 jáne kondıterlik ónimder - 1,9 paıyzǵa qymbattaǵan.
