Qazaqstanda ónerkásip ónimderi jyl basynan beri 2,5% qymbattady
ASTANA. QazAqparat - Qazaqstanda ónerkásiptik óndirýshi-kásiporyndar shyǵaratyn ónimderdiń baǵasy óndiristik mańyzdaǵy qyzmetti qosa eseptegende 2018 jyldyń naýryz aıynda ótken aımen salystyrǵanda 0,7 paıyzǵa tómendegenimen, 2017 jyldyń jeltoqsanynan beri 2,5 paıyzǵa kóterilgen, dep habarlaıdy «QazAqparat» HAA tilshisi.
QR Ulttyq ekonomıka mınıstrligi Statıstıka komıteti keltirgen málimetke sáıkes, jyl basynan beri qaıta óńdeý ónerkásibindegi óndirýshi-kásiporyndarda baǵalar 3,1 paıyzǵa, al taý-ken óndirisinde 2 paıyzǵa kóterilgen. Óndirilgen ónerkásiptik ónim 2,2, al ónerkásiptik mańyzdaǵy qyzmetter 5,8 paıyzǵa qymbattaǵan.
Esep berilgen kezeńde dızeldik otyn 7,4, tabıǵı gaz 7,2, kómir 6,2, metall keni 3, munaı men mazýt 1,5, tómendetilgen propan men býtan 0,9 paıyzǵa qymbattaǵan. Sonymen qatar, baǵanyń ósimi ferroqorytpada 16,2, myryshta 4,3 paıyzdy, qara metaldardyń prokatynda 4,1, qorǵasynda 1 paıyzdy kórsetse, asyl metaldar 1,1, alıýmınıı 1 paıyzǵa arzandaǵan.
Óndirýshiler tarapynan baǵalardyń ósimi turǵysynan shaıdyń 4,4, kúnbaǵys maıy 3,8, kúrish 0,8 paıyzǵa, sút ónimderi men sıyr eti 0,5, qant 0,3, nan 0,2 paıyzǵa qymbattaǵanyn, al bıdaı uny 5,2, jarma 2,6, qus eti 1,1, makaron ónimderi 0,8 paıyzǵa arzandaǵanyn baqylaýǵa bolady.
