Qazaqstanda ónerkásip ónimderi 19 paıyzǵa qymbattady

ASTANA. QazAqparat - Qazaqstanda ónerkásip ónimderin shyǵaratyn kásiporyndar ónimderiniń baǵasy 2018 jyldyń jeltoqsan aıynda onyń aldyńǵy aımen salystyrǵanda 6,2% tómendedi. Al 2017 jyldyń jeltoqsan aıymen salystyrǵanda 19% ósti. Bul týraly QR Ulttyq ekonomıka mınıstrliginiń Statıstıka komıtetinen málim etti, dep habarlaıdy QazAqparat.

2018 jyldyń basynan beri qaıta óńdeý ónerkásibindegi óndirýshi-kásiporyndardyń baǵasy 8,8% ósti, taý-ken salasynda 16,3% qymbattady. Óndirilgen ónerkásip óniminiń quny 12,9% artty, ónerkásip baǵytyndaǵy qyzmetter 6,7% ósti.

Atalǵan merzimde dızel otyny 26,2%, tabıǵı gaz 15%, kómir 10,7%, metall rýdalary 2,2%, munaı 1,5%, mazýt 20,5% benzın 1,8% qymbattap, suıytylǵan propan men býtan 7,7% qymbattap ketti.

Ferroqorytpalar 24%, qaratmetaldar prokaty 15,4%, alıýmınıı 3,8%, mys 1,5% qymbattap, tsınk 4,8%, qorǵasyn 12% arzandaǵan.

Ónim óndirýshiler arasynda kúrish 22,4%, qus eti - 14,5%, mal eti - 3,6 paıyz, qarabıdaı uny 9,7%, bıdaı uny 6,7%, shaı baǵasy 8,9%, ósimdik maıy 8,3%, qant 5,2%, sút ónimderi 2,7%, jarmalar - 1,5 %, nan - 1,3% qymbattady.