Qazaqstanda óndiristik jabdyqty ınternet arqyly basqarý júıesi ázirlendi
MINSK. KAZINFORM — Oıyn alańynan óndiristi robottandyrýǵa deıin: qazaqstandyq startap ónerkásiptik jabdyqty qashyqtan basqarý tehnologııasyn ázirledi. Bul týraly Úkimettiń baspasóz qyzmeti habarlady.
Qazaqstanda naqty mashınalar men drondardy ınternet arqyly qashyqtan basqarýǵa arnalǵan platforma quryldy. Bul myńdaǵan shaqyrym qashyqtyqtaǵy operatorǵa tehnıkany basqarýǵa múmkindik beredi. Biregeı ІT-sheshim Memleket basshysynyń tsıfrlandyrý jáne ozyq tehnologııalar engizý jónindegi tapsyrmalaryna sáıkes júzege asty.
«INNOPROM. Belarýs» halyqaralyq kórmesinde usynylǵan «Game of Drones» kompanııasynyń ınnovatsııalyq jobasy, otandyq tehnologııany azamattyq salada da, qaýipsizdik salasynda da qoldanýǵa keń múmkindikter ashady.
Tehnologııanyń eki maqsaty bar: ony kombaındar men shahta tehnıkasyn qashyqtan basqarý úshin paıdalanýǵa bolady, sonymen qatar dron operatorlaryn jappaı daıyndaý úshin tıimdi ári únemdi platforma retinde qyzmet etedi.
— Bul — álemde teńdesi joq biregeı ónim. Ol beıne keskinderdi jáne basqarýdy dáldikpen ári joǵary jyldamdyqpen jibere alady. Bul tehnologııany aýyl sharýashylyǵy salasynda, geımıngte, áskerı qyzmetshilerdi drondardy basqarýǵa úıretýde qoldanýǵa bolady, — dep túsindirdi «Game of Drones» kompanııasynyń negizin qalaýshy Abylaıhan Jaqanov.
Aıta ketelik kórmede sporttyq jaraqattardyń aldyn alý úshin qazaqstandyq IT-startap usynylǵan edi.