Qazaqstanda óndirilgen elektr energııasy artyp keledi
ASTANA. KAZINFORM — Energetıka mınıstrligi Qazaqstanda elektr energııasynyń profıtsıti men kórshiles elderden energııany ımporttaýǵa qatysty túsinik berdi.
- 2026 jyly Qazaqstannyń energetıkalyq júıesindegi teńgerimniń jaqsarýy baıqaldy. 2026 jyldyń bes aıynyń qorytyndysy boıynsha elde 53,6 mlrd kVt/saǵ elektr energııasy óndirilip, tutyný kólemi 53,3 mlrd kVt/saǵatty qurady. Osylaısha, óndirý kólemi ishki tutynýdan shamamen 300 mln kVt/saǵatqa artty, - delingen mınıstrliktiń Kazinform agenttigine bergen jaýabynda.
Sonymen birge belgili bir kezeńde elektr energııasyn óndirý kóleminiń tutynýdan asyp tússe de, keıbir jaǵdaıda elektr energııasyn ımporttaý qajet bolady.
Import energııany tutyný kólemi kúrt artqan ýaqytta qajettilikti óteý maqsatynda paıdalanylýy múmkin. Bul rette, «KEGOC» AQ derekterine sáıkes, 2026 jylǵy qańtar-mamyr aılarynda Reseıden satyp alynǵan elektr energııasynyń kólemi aıyna shamamen 45-75 mln kVt/saǵatty qurady.
Eske salsaq, Qazaqstan Qyrǵyzstanǵa 2025-2026 jyldary 1,56 mlrd kVt·saǵat elektr energııasyn jetkizdi.
Aıta keteıik, Qazaqstan 2027 jyldan bastap elektr energııasy profıtsıtin qalyptastyrýdy josparlap otyr.
