Qazaqstanda óndirilgen jumyrtqa RF-da joǵary suranysqa ıe

ASTANA. QazAqparat - Qazaqstannyń taýyq jumyrtqasy reseılikter arasynda suranysqa ıe. Bul týraly búgin Astanada ótken baspasóz máslıhatynda QR Aýyl sharýashylyǵy birinshi vıtse-mınıstri Qaırat Aıtýǵanov málim etti, dep habarlaıdy QazAqparat.

«2016 jyly týyq jumyrtqasyn óndirýshiler Reseıge jáne basqa elderge baǵyttalǵan eksportty 12,5 esege arttyrdy. Bul aıtarlyqtaı joǵary kórsetkish jáne ony statıstkadan kóre alasyzdar»,-dedi Aıtýǵanov.

Ol elimizden jetkizilgen jumyrtqa Reseıde joǵary suranysqa ıe ekenin atap ótti. Osy oraıda ol RF-nyń Sankt-Peterbýrg qalasyna Qazaqstannan qus jumyrtqasy eleýli kólemde jetkizilip jatqandyǵyn aıtty. Valıýta baǵamyndaǵy aıyrmashylyqqa qaramastan, eksport kólemi joǵarylap otyrǵan kórinedi.

«Sanktsııalar Reseıge yqpal etýi múmkin, ıaǵnı búginde taýyq jumyrtqasy RF-da óte joǵary suranysqa ıe»,-dedi ol.

Statıstıka málimetine qaraǵanda, Qazaqstan naryǵynda taýyq jumyrtqasy 100 paıyzǵa qamtamasyz etilgen.

Sonymen qatar atalǵan ónim BAÁ, Qyrǵyzstan, Tájikstan, Reseı jáne basqa da elderge eksporttalýda. Munymen qosa, Qytaı baǵytynda eksportty arttyrý josparda bar. Elimizde 30-dan astam qus fabrıkalary jumys istep jatyr.