Qazaqstanda óndirilgen zatty satyp alǵandar eldiń damýyna úles qosady

NUR-SULTAN. QazAqparat - Qazaqstanda óndirilgen zatty satyp alǵandar eldiń damýyna úles qosady. Bul týraly «Habar 24» telearnasynyń tikeleı efırinen QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.

«Qarapaıym zattar ekonomıkasynyń máni nede? Onyń máni – biz kúndelikti qoldanatyn zattardyń barlyǵy óz elimizde jasalýy kerek. Tamaq, kıim, jıhaz, turmystyq hımııa degen sııaqty taýarlardy biz ózimiz óndire alamyz. Biraq tek óndirip qoıa salý jetkiliksiz. Ol taýarlar naryqta básekege qabiletti, sapaly jáne qoljetimdi bolý kerek», - dedi Dáýren Abaev.

Onyń atap ótýinshe, óz taýarymyzdy tutyný arqyly biz bolashaǵymyzdy qalyptastyramyz.

«Qazaqstanda óndirilgen zatty satyp alyp jatqan árbir azamat bilý kerek – ol eldiń keleshegine óz úlesin qosýda. Barshańyzdy osyǵan shaqyramyn»,- dedi mınıstr.