Qazaqstanda óndiriletin qus etiniń tapshylyǵy tómendeıdi - M.Bojko

ASTANA. QazAqparat - Qazaqstanda jumyrtqa tapshylyǵy joq, al elimizde óndiriletin qus etiniń tapshylyǵy aldaǵy ýaqytta azaıady. Bul týraly búgin Ortalyq kommýnıkatsııalar qyzmetinde ótken brıfıng barysynda qus sharýashylyǵy salasyndaǵy «Shańyraq» basqarýshy kompanııanyń bas dırektory Maksım Bojko málim etti.

«Qus sharýashylyǵy eki baǵytqa bólinedi. Birinshisi - jumyrtqa óndirý. Bul máselede Qazaqstan ishki ónimdi 100 paıyzǵa qanaǵattandyryp otyr. Al, qus etine qatysty jaǵdaı sál kúrdeli. Bizdiń qus fabrıkalarymyz ishki tutynýshylardyń 60 paıyzyn ǵana qanaǵattandyryp otyr»,-degen M.Bojko Onyń aıtýynsha, bul máseleniń sheshimi aldaǵy 2-3 jylda tabylady. Sebebi, josparǵa saı, elimizde qus sharýashylyǵy salasynda birqatar nysandar paıdalanýǵa beriledi. «Bolashaqta elimiz boıynsha qus etin óndiretin birneshe nysan paıdalanýǵa beriledi, sondyqtan aldymyzdaǵy 2-3 jyl ishinde ózimiz óndiretin qus etiniń tapshylyǵy 10-12 paıyzǵa deıin azaıady»,-dep sendirdi.