Qazaqstanda ondaǵan jańa turǵyn úı salý kombınattary qurylady - S.Ahmetov
ASTANA. 7 qarasha. QazAqparat - Kelesi jyly Qazaqstanda ondaǵan jańa turǵyn úı salý kombınattary qurylady.
Bul týraly búgin Astanadaǵy konferentsııada Úkimet basshysy Serik Ahmetov málim etti.
Premer-Mınıstr atap kórsetkendeı, «Qoljetimdi baspana - 2020» memlekettik baǵdarlamasyna iske asyrý jumysynda bıznes salasy erekshe belsendilik tanytyp otyr. «Biz basynda oılaǵanbyz, turǵyn úı salý kombınattaryn memlekettiń ózi salady. Odan keıin barlyq jaǵdaıdy, ınfraqurylymdy jasaımyz. Sodan bıznes pen halyq kelip, ary qaraı alyp ketedi degen oı bolǵan. Degenmen, bıznes ózi keldi. Qazirgi kezde 12-15 (bıznes nysandar - avt.) óz erkimen «Qoljetimdi baspana - 2020» memlekettik baǵdarlamasyna qatysýǵa nıet bildirip otyr. Meniń oıymsha, kelesi jyly bizde ondaǵan jańa turǵyn úı salý kombınattary qurylady. Olar baspanany shapshań salyp, halyqqa arzan baǵaǵa usynady dep senemin», - dep atap kórsetti S.Ahmetov.
