Qazaqstanda ómir súrý sapasy jaqsaryp keledi
ASTANA.QazAqparat - Qazaqstandyqtardyń 2017 jylǵy kirisi baǵanyń kóterilýinen joǵary tur, dep habarlaıdy ranking.kz.
Aǵymdaǵy jyldyń birinshi toqsanynda qazaqstandyqtardyń kirisi byltyrǵy jylmen salystyrǵanda 2,4%-ǵa artty. Sonymen qatar, ústimizdegi jyldyń aqpan aıymen salystyrǵanda turǵyndardyń naýryz aıyndaǵy satyp alý qabileti birden 4,8%-ǵa kóterilgen.
Byltyrǵy jyly qazaqstandyqtyń bıýdjetine enetin eńbekaqy men satyp alý qabileti ortasha jyldamdyqpen aıyna 0,2 %-ǵa qysqarǵanyn esterińizge salamyz. 2016 jyly Qazaqstandaǵy naqty tabys sońǵy 7 jylda alǵash ret 4,5 %-ǵa qulady.
Resmı statıstıkalyq málimetterge sáıkes Qazaqstandaǵy ómir súrý deńgeıiniń negizgi kórsetkishteri qalypty deńgeıde.
BUU usynystaryna saı, qorlardyń koeffıtsıent kórsetkishi 8-10-nan aspaýy tıis, olaı bolmaǵan jaǵdaıda áleýmettik dúmpý qaýpin týǵyzyp, qoǵam jiktelýiniń ulǵaıýyna ákep soǵýy múmkin.
