Qazaqstanda Omby munaı óńdeý zaýytynyń bıtýmyn qoldanýǵa tyıym salynady
ASTANA. 20 maýsym. QazAqparat - Omby (RF) munaı óńdeý zaýytynyń jáne Shymkenttiń «Bıtým zaýyty» JShS-niń bıtýmdary avtomobıl joldaryn salýǵa jaramsyz dep tanyldy.
Bul týraly QR KKM baspasóz qyzmetinen habarlandy.
«Qazjol ǴZI» AQ-nyń mamandary elimizdiń naryǵyna bıtým usynatyn negizgi óndirýshiler men ony jetkizýshilerdiń asfaltty-beton úlgilerin synaqtan ótkizdi.
Zertteýler nátıjesinde, Omby munaı óńdeý zaýyty men Shymkent «Bıtým zaýyty» JShS-niń shyǵarǵan bıtýmdarynda jol sorabynyń paıda bolýyn boldyrmaý tózimdiligi tómen dep tanyldy. Budan basqa, asfaltty-betonnyń ádettegiden tys kúıge ushyraýyna qatysty qorytyndy shyǵaryldy. Atap aıtqanda, bul bıtým jol sorabynyń betki qabatynda qabyrshaqtyń paıda bolýyna ákelip soǵady.
Ónimniń zertteýler qorytyndylary óndirýshilerge jiberildi. Al, Kólik jáne kommýnıkatsııa mınıstrligi Avtomobıl joldary komıtetiniń aýmaqtyq bólimderine, «Qazaqavtojol» RMK, merdiger kompanııalar men oblys jáne qala ákimdikterine Qazaqstandaǵy avtomobıl joldaryn salý men jóndeý jumystaryn júrgizgende Omby munaı óńdeý zaýytynyń bıtýmyn paıdalanýdy ýaqytsha toqtatý jóninde hattar joldady.
