Qazaqstanda olımpıadaǵa daıarlaý ortalyqtary ashylady

ŞÝChINSK. QazAqparat – Elimizde olımpıada oıyndaryna daıarlaıtyn ortalyqtar ashylmaq. Bul týraly Şýchınskide ótken Beıjińde ótken XXIV qysqy olımpıada oıyndarynyń qorytyndysyna arnalǵan keńeıtilgen otyrysta belgili boldy, dep habarlaıdy QazAqparat tilshisi.

«Sporttyq rezervke qatysty kelesi jaıt, óńirlik, qalalyq jáne ulttyq deńgeıdegi olımpıadalyq rezervti daıarlaý ortalyqtarynyń qyzmetimen baılanysty. Qazirgi ýaqytta respýblıkalyq olımpıadaǵa daıarlaý ortalyqtaryn ashý máselesi pysyqtalyp jatyr. Ortalyqtardyń óz sporttyq bazalary bolady. Sondaı-aq, jas sportshylardy daıarlaýdyń negizgi satylarynyń biri ınternat úlgisindegi sporttyq bilim berý mekemeleri. Bul bastamany da qolǵa alý josparda bar», - dedi QR Mádenıet jáne sport mınıstri Dáýren Abaev.

Mınıstrdiń málimetinshe, búginde 12 óńirde sportta daryndy balalarǵa arnalǵan 13 oblystyq mektep-ınternat jumys istep tur.

«Sportshylardy daıarlaý sapasyn arttyrý úshin olardy barlyq qajetti qural-jabdyqtarmen qamtamasyz etý kerek. Oblystyq bıýdjet esebinen jáne memlekettik-jeke menshik áriptestik negizinde qosymsha sport bazalaryn salý qajet dep sanaımyn. Ásirese, ulttyq qurama komandalardy daıarlaýda sapaǵa basa nazar aýdarý qajet», - deıdi ol.

Buǵan deıin vedomstvo basshysy otandyq sportty damytýdyń jańa baǵdarlamasy qabyldanatynyn aıtqan edi.