Qazaqstanda ólim-jitimdi azaıtý máselelerimen aınalysatyn óńirlik shtabtar qurylady
ANA. 26 sáýir. QazAqparat /Gúlmıra Álıakparova/ - Qazaqstanda qan aınalym júıesiniń aýrýlarynan bolatyn ólim-jitimdi jáne ana men sábı ólimin azaıtý máselelerimen aınalysatyn óńirlik shtabtar qurylady.
«Ana men bala ólimin, qan aınalym aýrýlarynan bolatyn ólimdi azaıtý máselesin qarastyrdyq. Osy másele boıynsha óńirlik shtabtar qurý týraly sheshim qabyldadym», - dep jazdy Twitter-degi jeke paraqshasyna QR Úkimetiniń basshysy Kárim Másimov.
Eske salaıyq, QR Densaýlyq saqtaý mınıstrliginiń málimetinshe, 2011 jyldyń birinshi toqsanynda respýblıkada sábılerdiń ólim-jitimi 15 paıyzǵa, ana ólimi 30 paıyzǵa azaıdy.
