Qazaqstanda oqýshylarǵa arnalǵan jańa 5 saýyqtyrý demalys lageri ashylady - Bilim mınıstri
ASTANA. 21 mamyr. QazAqparat - Qazaqstanda 755 orynǵa eseptelgen 5 jańa saýyqtyrý demalys nysany ashylady.
Bul týraly búgin Úkimet otyrysynda 2013 jylǵy jazǵy maýsymda oqýshylardy saýyqtyrý, olardyń bos ýaqytyn, demalysyn uıymdastyrý boıynsha baıandama jasaǵan QR Bilim jáne ǵylym mınıstri Baqytjan Jumaǵulov aıtty.
«Respýblıkanyń 7 óńirinde mektep janyndaǵy lagerler sany kóbeıdi. Jalpy, maýsym bastalý qarsańynda respýblıkada 775 orynǵa eseptelgen 5 atap aıtqanda, Qostanaıda - 1, Pavlodarda - 1, Batys Qazaqstanda 3 saýyqtyrý demalys nysany ashylady»,-dedi ol.
Mınıstrdiń atap ótýinshe, jekemenshik 221 lagerdiń 82-si jekemenshik- memlekettik áriptestik aıasynda jumys isteıtin bolady. Sondaı-aq, turǵyndardyń áleýmettik qorǵalmaǵan bóliginen shyqqan balalarǵa erekshe nazar aýdarylady.
«Aǵymdaǵy jyly az qamtylǵan jáne kópbalaly otbasylarda turatyn 680 myń bala, múgedek balalar men jetim balalardyń 450-ge jýyǵy nemese 65,4 paıyzy jazǵy demalyspen qamtylady»,-dedi B. Jumaǵulov.
