Qazaqstanda oqýshylardyń bilim deńgeıin syrttaı baǵalaý úlgisi engizilýde

Oqýshylardyń bilim deńgeıin syrttaı baǵalaý Bilim berýdi damytýdyń 2020 jylǵa deıingi memlekettik baǵdarlamasynda kózdelgen bilim berý uıymdaryna monıtorıng júrgizýdiń bir túri bolyp tabylady, dep habarlady pm.kz saıty.

Elbasy «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna arnaǵan Joldaýynda bilim berý sapasyn arttyrý úshin osy salaǵa jańa ádister engizý kerektigin aıtqan bolatyn.

«Bilim berý salasyn jańǵyrtý barysynda biz birqatar sharalardy júzege asyrý kerekpiz. Eń aldymen, bilim berý úrdisine zamanaýı ádister men tehnologııalar engizý kerek. Ekinshiden, pedagogıkalyq quramnyń sapasyn arttyrý erekshe mańyzǵa ıe», - dedi Elbasy N.Á.Nazarbaev.

Qazaqstanda oqýshylardyń bilim deńgeıin syrttaı baǵalaý bilim berý qyzmetteriniń sapasyn baǵalaý men oqýshylardyń bilim baǵdarlamalaryn ıgerý deńgeıin anyqtaý maqsatynda júzege asyrylatyn bolady.

Bilim jáne ǵylym mınıstrliginiń málimetinshe, oqýshylardyń bilim deńgeıin syrttaı baǵalaý 2011-2012 oqý jyldarynan bastap qolǵa alynbaq. Mysaly, oqytý sapasyna monıtorıng júrgizý isi negizgi mektepte (9 synypta keıin), sondaı-aq bilim berý baǵyttary boıynsha bilim berý baǵdarlamalarynyń ıgerilýine monıtorıng júrgizý maqsatynda tańdalyp, joǵary oqý kezinde (4 kýrýsta) iske asyrylady. Tapsyrmalar jalpy bilim beretin oqý baǵdarlamalarynyń negizinde ázirlenedi. Oqýshylardyń bilim deńgeıleri zamanaýı aqparattyq tehnologııalardy qoldaný arqyly júzege asyrylady.

«Oqýshylardyń bilim deńgeıin syrttaı baǵalaý isine 9 synypta qazaq tili jáne jyl saıyn úrdis bastalar kezde ýákiletti organ anyqtaıtyn taǵy 3 pán kiredi. Monıtorıng júrgiziletin oqý baǵyttary men joǵary oqý oryndary jyl saıyn anyqtalyp otyrady», - dep atap ótilgen QR Bilim jáne ǵylym mınıstrliginiń aqparatynda.

Aıta keterligi, Qazaqstan 2007 jyldan bastap  bilim berý sapasyn baǵalaý jónindegi Halyqaralyq qaýymdastyqtyń múshesi atanǵan. Álemniń kóptegen elderinde jalpy orta bilim sapasyn baǵalaý úshin ulttyq emtıhandar úlgisinde táýelsiz syrtqy baǵalaý júrgiziledi. Jáne de árbir elde baǵalaý júrgizý úlgisi óz qyrymen erekshelenedi.

Mektep pen joǵary oqý ornynda da qoldanylatyn bir emtıhan tapsyrý úlgisi eń kóp taralǵan úlgi bolyp tabylady (Reseı, Túrkııa, Bolgarııa, Vengrııa, Danııa, Izraıl, Úndistan, Italııa, Norvegııa men Fınlıandııa elderi). Sonymen qatar, syrttaı ortalyqtandyrylǵan jáne mektep ishinde júrgiziletin eki satydaǵy baqylaý úlgisi birshama elderde keńinen taralǵan (Gretsııa, Latvııa, Makedonııa, Slovakııa Respýblıkasy, Slovenııa, AQSh, Cheh Respýblıkasy).

Osylaısha, testileýdi oqýshylardyń bilim deńgeıin syrttaı baǵalaý tetigi retinde paıdalanatyn elder qatary jyl sanap artyp keledi. Osy monıtorıngtiń nátıjesi Qazaqstannyń bilim berý mekemeleri kórsetip otyrǵan bilim sapasyn baǵalaýǵa múmkindik beredi.