Qazaqstanda oqýshylar qosymsha 29 kún demalys alady - QR BǴM
ALMATY. QazAqparat - Búgin Almatyda ótken «Ǵylym men bıznes» ǵylymı forýmynda QR Bilim jáne ǵylym mınıstri Erlan Saǵadıev 5 kúndik oqytý júıesi týraly túsindirip ótti.
Onyń aıtýynsha, jańa oqý baǵdarlamasyndaǵy 5 kúndik oqý oqytý júıesi oqýshylarǵa qosymsha 1,5 aı demalys beredi.
«Biz balalarǵa qosymsha 34 kún demalys beremiz. Bul barlyq senbilerdi qosa alǵanda. Endi oqý merzimin 1 maýsymǵa deıin sozyp jatyrmyz. ıAǵnı, 5 kúndi alǵanda barlyǵy 29 kún (jazǵy demalystan bólek) ata-analar men balalar demalady», - dedi E.Saǵadıev.
Bastaýysh synyptardan bastap, úsh til - qazaq, orys jáne aǵylshyn tilderi birdeı oqytylady, bastaýyshta ár pánge baǵyttalǵan jańa pánder de engiziledi. Jańa baǵdarlama Nazarbaev zııatkerlik mektebinde aprobatsııadan ótti.
Bıyl birinshi klastar, 2017 jyly 2,5,7 klastar kóshedi. Barlyǵy jańa oqytý júıesi 350 myń oqytýshy men 3 mln balany qamtıdy.
«Biz zamanaýı baǵarlamanyń ıgiligin kórýge mindettimiz. Bıyldyń ózinde 75 myń oqytýshy jańa baǵdarlamamen oqytylady», - dedi mınıstr.
