Qazaqstanda oqýshylar arasynda jıi kezdesetin aýrý túrleri anyqtaldy
ASTANA. QazAqparat - QR Parlamenti Senatynyń depýtaty, Qazaqstandaǵy Bala quqyqtaryn qorǵaý jónindegi ýákil Sáýle Aıtpaeva mektep oqýshylary arasynda keńinen taraǵan aýrýlardy atady, dep habarlaıdy QazAqparat.
«Mektep oqýshylary arasyndaǵy aýrýlardyń ishinde birinshi orynda asqazan-ishek joly dertteri tur, ıaǵnı bul jaǵdaı tekserýmen qamtylǵandardyń 25 paıyzdan astamyna qatysty. Ekinshi orynda kóz aýrýlary tur (16 paıyz), al úshin orynda tynys alý men qan aınalymy organdary», - dedi S. Aıtpaeva Densaýlyq saqtaý men Bilim jáne ǵylym mınıstrleriniń atyna joldaǵan saýalynda.
Onyń sózine qaraǵanda, birinshi synyptaǵy árbir besinshi oqýshynyń densaýlyq jaǵdaıynda aýytqýlar baıqalady. Budan bólek, ár úshinshi oqýshy mektepti támamdaǵan kezde 2-3 medıtsınalyq dıagnozdy alyp úlgeredi.
«Belgili bolǵandaı, balalyq shaqta jáne mektep jasynda durys tamaqtaný ustanymdarynyń buzylýy saldarynan balalardyń densaýlyǵyna aıtarlyqtaı zaqym keledi. ıAǵnı osy kezeńde olar úshin aqyl-oı, denege túsetin júktemeleri basym bolady. Sonymen qatar, balalar arasynda artyq salmaq jaǵdaıy da kezdesedi», - dedi Sáýle Aıtpaeva.
Budan buryn habarlanǵandaı, Qazaqstandaǵy Bala quqyqtaryn qorǵaý jónindegi ýákil 13-15 jastaǵy oqýshylar arasynda kún saıyn 14,8 paıyzy temeki tartatynyn, 18 paıyzy alkogoldik ishimdikke áýes ekenin aıtqan bolatyn.
