Qazaqstanda oqýlyqtardy genderlik saraptamadan ótkizý josparlanýda
Bul týraly búgin Astanada atalmysh tujyrymdama jobasyn tanystyrý kezinde QR Densaýlyq saqtaý jáne áleýmettik damý vıtse-mınıstri Svetlana Jaqypova málim etti.
«Bilim berý salasynda genderlik teńdikti nyǵaıtý zańnamalyq bazany jetildirý, pedagogıkalyq qaýymdastyqtyń genderlik saýalda quzyrlylyǵyn joǵarylatý, beıindi normatıvtik-quqyqtyq aktilerdi, oqýlyqtar men oqý baǵdarlamalaryn genderlik saraptamadan ótkizý arqyly qol jetkiziledi», - dedi ol.
Sonymen qatar áıelder men áıelderdiń jalaqy aıyrmashylyǵyn qysqartý, kásipkerlik qyzmettiń barlyq túrlerine qoljetimdilikti keńeıtý jáne genderlik bıýdjetteýdi engizý tetikteri júzege asyrylady.
Tujyrymdama jobasynyń maqsaty - jynys erekshelikterine qaraı zorlyq kórsetý oqıǵalaryn joıý jáne Qazaqstannyń bitimgerlik mıssııasyna áıelderdiń qatysýyn ulǵaıtý.
Sondaı-aq mektepke deıingi uıymdardan bastap, otbasylyq qundylyqtardy nyǵaıtý boıynsha ıdeologııalyq jumys júrgiziledi. Mınıstrlik erler men áıelderdiń teń seriktestiginiń negizinde qurylǵan otbasylardyń, otbasylyq tárbıe jáne áke ınstıtýtyn damytýdyń negizinde otbasy ınstıtýtyn nyǵaıtýdy kózdeýde.
Tujyrymdamany júzege asyrý úsh kezeńnen turmaq: 2017-2019 jyldar, 2020-2022 jyldar jáne 2023-2030 jyldar.