Qazaqstanda oqý jetistigin baǵalaıtyn TIMSS-2015, PISA-2015 jáne PIRLS-2016 zertteýleri aıaqtaldy
ASTANA. QazAqparat - Qazaqstanda bilim alýshylardyń oqý jetistigin baǵalaıtyn úsh halyqaralyq TIMSS-2015, PISA-2015 jáne PIRLS-2016 (aprobatsııa) zertteýleri aıaqtaldy. Bul týraly QR Bilim jáne ǵylym mınıstrliginen habarlandy.
Atap aıtqanda, PISA-2015 (matematıka, jaratylystaný jáne oqý saýatylyǵyn baǵalaý) zertteýine eldiń barlyq óńirinen 232 bilim berý uıymdarynan 15 jastaǵy 7 873 bilim alýshylar qatysty. Al TIMSS-2015 (matematıka jáne jaratylystaný bilimderin baǵalaý) jobasyna Qazaqstannyń 179 bilim berý uıymdarynan 9 621 oqýshy, onyń ishinde 4 763 tórtinshi synyp oqýshylary jáne 4 858 segizinshi synyp oqýshylary synaqtan ótti.
Budan bólek, oqý jáne mátindi túsiný sapasyn baǵalaıtyn aprobatsııalyq PIRLS-2016 halyqaralyq zertteýine Qazaqstannyń 14 óńiriniń (Astana qalasyn jáne Qaraǵandy oblysyn qospaǵanda) 34 bilim berý uıymynan 1 390 tórtinshi synyp oqýshylary qatysty.
«TIMSS-2015 jáne PISA-2015 halyqaralyq zertteýler nátıjeleri 2016 jyldyń jeltoqsan aıynda Ekonomıkalyq yntymaqtastyq jáne damý uıymy men IEA tarapynan jarııalanady», - delingen mınıstrlik málimetinde.
