Qazaqstanda oqý úlgerimi tómen oqýshylar úshin arnaıy joba iske qosylady

NUR-SULTAN. QazAqparat – Elimizde oqý úlgerimi tómen 500 myńǵa jýyq bala bar. Bul týraly pedagogterdiń respýblıkalyq tamyz konferentsııasynda Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Elimizde «Tsıfrlyq pedagog» jobasy bastalady. Qazirgi kezde oqý úlgerimi tómen 500 myńǵa jýyq bala bar. Osy balalardy atalǵan jobamen qamtıtyn bolamyz. Oqý úlgerimi tómen balalar úshin ár juma saıyn birneshe pán boıynsha qosymsha sabaqtar beriledi», - dedi A. Aımaǵambetov.

Osy oraıda ol bul balalarǵa psıhologtar da kómektesetinin aıtty.

«Bul jobany jańa oqý jylynan bastap elimizdiń barlyq óńirinde engizemiz», - dedi vedomstvo basshysy.

Budan buryn habarlanǵandaı, Oqý-aǵartý mınıstri Ashat Aımaǵambetov balabaqshalarda pedagogterdiń júktemesin azaıtý jospary týraly aıtty.