Qazaqstanda oqý quraldarynyń baǵasy ósti
ASTANA. QazAqparat - Jańa oqý jyly qarsańynda oqý jáne anyqtamalyq oqýlyqtardyń baǵasy bir aıda 2,4 % jáne bir jyl ishinde 6,4% deıin ósti, dep habarlaıdy QazAqparat Energyprom.kz saıtyna silteme jasap.
I jartyjyldyqta baspa qyzmetteri 20,7 mlrd teńgeni qurady. Bul kórsetkish ótken jyldyń sáıkes merzimimen salystyrǵanda 4,6 paıyzǵa joǵary.
Baspahanalardyń basym kópshiligi gazet (40,1%), jýrnal (11,6%) jáne taǵy da basqa merzimdi basylymdar men kitaptardy (9,7%) shyǵarýmen aınalysady.
Qyrkúıektegi jaǵdaıǵa sáıkes, bir jyl ishinde oqý-anyqtamalyq quraldar satylym núktelerinde 6,4%, ıaǵnı QR boıynsha orta eseppen 1,3 myń teńgege qymbattaǵan.
QR Bilim jáne ǵylym mınıstrliginiń málimetinshe, 2018-2019 oqý jylynda memleket boıynsha 3-shi, 6-shy jáne 8-shi synyptar úshin 12 mln teńgege mazmuny jańartylǵan kitaptar satyp alynǵan. Bul synyptarda bilim alatyn oqýshylardyń sany 906 myńǵa jetken.
Respýblıka boıynsha baspahanalardan orta eseppen 98,2% oqýlyq pen oqý-ádistemelik quraldar jóneltilgen, óńirlerge 92,5 % jiberildi. Jambyl, Túrkistan, Batys Qazaqstan, Qaraǵandy, Soltústik Qazaqstan oblystary men Shymkent qalasynda oqýlyq 100 % jetkizilgen.
