Qazaqstanda ókpeni jasandy jeldetý apparaty jetkilikti me
NUR-SULTAN. QazAqparat - Qajettilik týyndaǵan jaǵdaıda elimizge ókpeni jasandy jeldetý apparattary qosymsha satyp alynatyn bolady. Bul týraly QR Densaýlyq saqtaý mınıstriniń mindetin atqarýshy Lázzat Aqtaeva aıtty, dep habarlaıdy QazAqparat tilshisi.
«Elimizdiń statsıonarlarynda ókpeni jasandy jeldetýge arnalǵan 3 200-den astam apparat bar. Infektsııalyq statsıonarlardyń jansaqtaý bólimshelerine atalǵan apparatqa qajettilik týyndaǵan jaǵdaıda olar qosymsha qamtamasyz etiletin bolady. Degenmen búgingi kúni ınfektsııalyq statsıonarlardyń bólimshelerindegi ókpeni jasandy jeldetý apparattardyń tek úshten biri ǵana jaǵdaıy óte aýyr patsıentterge medıtsınalyq kómek kórsetý úshin qoldanylyp jatyr», - dedi Lázzat Aqtaeva Ortalyq kommýnıkatsııalar qyzmetindegi brıfıng barysynda BAQ ókilderiniń saýalyna oraı.
Sonymen qatar ol qajettilik týyndaıtyn jaǵdaı bolsa, bul máseleniń oń sheshiletindigin aıtty.
Buǵan deıin Lázzat Aqtaeva, dárigerler óte aýyr hálde jatqan 322 patsıenttiń betin beri qaratqanyn aıtqan edi.
