Qazaqstanda ókpe obyryna mindetti skrınıng engizilýi múmkin
ASTANA. KAZINFORM – Qazaqstanda ókpeniń qaterli isigin erte anyqtaýǵa arnalǵan jańa skrınıng engizý josparlanyp otyr. Densaýlyq saqtaý mınıstrligi tıisti buıryq jobasyn jarııa talqylaýǵa shyǵardy.
Qujatta qoldanystaǵy profılaktıkalyq tekserýler tizimin ókpe obyryna arnalǵan skrınıngpen tolyqtyrý kózdelgen. Bul shara onkologııalyq aýrýlardy, ásirese ókpe qaterli isigin erte kezeńde anyqtaý tıimdiligin arttyrýǵa baǵyttalǵan.
Sondaı-aq buıryq jobasynda V jáne S vırýstyq gepatıtterin erte anyqtaý boıynsha nysanaly topty keńeıtý usynylǵan.
Mınıstrlik málimetinshe, engiziletin ózgerister profılaktıkalyq tekserýlerdiń qamtylýyn arttyrýǵa, qaýipti toptar arasynda aýrýdy erte anyqtaý úlesin kóbeıtýge jáne asqyný men ólim kórsetkishterin tómendetýge múmkindik beredi.
Buıryq jobasy boıynsha qoǵamdyq talqylaý 2026 jylǵy 1 qańtarǵa deıin jalǵasady.
Aıta keteıik, buǵan deıin medıtsınalyq skrınıngten ótetin jumysshy 3 kún demalys alýǵa quqyly ekeni habarlanǵan bolatyn.