Qazaqstanda oqyp jatqan sheteldik stýdentter 40 myńnan asty
ASTANA. KAZINFORM – Qazaqstan óńirde akademııalyq hab retinde qalyptasty. Bul týraly Ǵylym jáne joǵary bilim mınıstri Saıasat Nurbek málim etti.
- Sheteldik stýdentterge toqtalsaq, osydan 4-5 jyl buryn bastaǵan strategııamyz óziniń naqty nátıjelerin kórsete bastady. 41 myńǵa jýyq sheteldik stýdent Qazaqstanda oqyp jatyr. Bul — bizdiń tarıhı rekordymyz, - dedi S.Nurbek Ortalyq kommýnıkatsııalar qyzmetindegi baspasóz máslıhatynda.
Ǵylym jáne joǵary bilim mınıstri jalpy, elde sheteldik joǵary oqý oryndarynyń 33 fılıaly ashylǵanyn atap ótti.
Buǵan deıin habarlanǵandaı, keıingi 7 jylda Qazaqstanda 655 myńnan astam grant berildi.
