Qazaqstanda oq-dári saqtaıtyn 2 qoıma salynady

NUR-SULTAN. QazAqparat - Bıyl elimizde oq-dári saqtaýǵa arnalǵan 2 nysannyń qurylysy bastalady. Bul týraly QR Qorǵanys mınıstriniń orynbasary Baqyt Qurmanbaev aıtty, dep habarlaıdy QazAqparat tilshisi.

«Bıyl Aqtóbe men Qaraǵandy oblystarynyń adam turmaıtyn aýdandarynda oq-dári saqtaýǵa arnalǵan 2 zamanaýı nysan qurylysy bastalady. Olar barlyq qalǵan saqtaý nysandarynyń júktemesin barynsha azaıtýdy jáne eldiń azamattyq turǵyndarynyń qaýipsizdigin barynsha saqtaýdy qamtamasyz etedi», - dedi Qorǵanys mınıstriniń orynbasary.

Onyń atap ótýinshe, atalǵan eki nysanǵa qoıylatyn negizgi talaptar Qarýly Kúshterdiń normatıvtik-quqyqtyq aktilerine, qaýipsizdik normalaryna negizdelgen. Sonymen qatar ol nysandardyń qurylysyna qajetti qujattardy daıyndaý jumystarynyń júrgizilip jatqanyn aıtty.

«Bıyl úlgeremiz dep úmittenemiz», - dedi Baqyt Qurmanbaev.

Eske sala ketsek, Arys qalasyndaǵy áskerı bólimniń qoımasynda 2019 jyly 24 maýsym kúni tańerteń jarylys boldy. Saldarynan úsh adam qaza tapty - Arys turǵyny men eki áskerı qyzmetshi. 170-ke jýyq adam zardap shekti. 20-ǵa jýyq úı, 9 qora-qopsy janyp, dalaly aýmaqta 14 oshaq tutandy. Úı-jaılar men ǵımarattardyń 80-90 paıyzyna ártúrli deńgeıde zaqym keldi.