Qazaqstanda nóser jaýyn jaýyp, aýa raıy qubylmaly bolady
ASTANA. QazAqparat - Atmosferalyq frontaldy bólikterdiń ótýine baılanysty barlyq aımaqtarda aýa raıy qubylmaly bolyp, jaýyn jaýyp, ońtústik shyǵystaǵy birqatar aımaqtarda kúshti jaýyn bolady.
«Qazgıdromet» RMK-nyń habarlaýynsha, respýblıkanyń keı jerlerinde tuman túsip, jel kúsheıip, soltústikte kóktaıǵaq bolady. Soltústik Qazaqstan oblysynda jeldiń jyldamdyǵy sekýndyna 15-20 metrge deıin kúsheıedi, keı jerlerde jeldiń ekpini 23 metrge deıin barady, jekelegen aýdandarda kóktaıǵaq bolady dep kútilýde.
Aqmola, Pavlodar, Shyǵys Qazaqstan, Almaty, Jambyl, Ońtústik Qazaqstan, Mańǵystaý, kúndiz Atyraý, Batys Qazaqstan, Aqtóbe oblystarynda jeldiń kúshi 15-22 metr/sekýndqa deıin kúsheıedi.
Qostanaı, Qaraǵandy, oblystarynyń keı jerlerinde tuman túsip, jeldiń kúshi 15-20 metr/sekýndqa jetedi dep kútilýde.
