Qazaqstanda normashyǵarmashylyq protseske «Jasyl» jáne «Aq» kitap engiziledi
«Kez kelgen zańnyń negizinde ıdeıa jatady. Problemalar men olardy sheshý joldary qanshalyqty durys anyqtalǵandyǵy ıdeıanyń durys tujyrymdalýyna baılanysty. Bul qazirgi ýaqytta jetkiliksiz nazar aýdarylyp otyrǵan mańyzdy kezeń. Osyǵan baılanysty Ulybrıtanııanyń tájirıbesi boıynsha normashyǵarmashylyq protseske «Jasyl» jáne «Aq» kitaptyń jańa kezeńderin engizý usynylady. «Jasyl» kitap degenimiz naqty problemalar egjeı-tegjeıli qaralatyn, sodan keıin saıasat pen zańnama turǵysynan is-qımyldardyń yqtımal baǵyttary kórsetiletin úkimettik jarııalanyp, aldyn ala esep», - dedi mınıstr.
Onyń atap ótýinshe, «Jasyl» kitap qoǵammen, múddeli nysanaly toptarmen muqııat talqylanady. Kitaptyń talqylaný merzimi belgilenbeıdi. Oǵan 1-2 aı, jarty jyl nemese bir jyl ýaqyt ketýi múmkin. «Jasyl» kitapty talqylaý barysynda sheshim reformalalar qajettiligi paıdasyna sheshilse, onda talqylaý jańa satyǵa – «Aq» kitap daıyndaýǵa ótedi.
«Aq» kitapty memlekettik organdar aldaǵy retteý saıasatynyń resmı málimdemesi retinde shyǵarady. Onda zańnamalyq ózgerister nemese jańa zańdardy qabyldaý boıynsha naqty usynystar belgilenedi. Kitap Zań jobalaý qyzmeti máseleleri jónindegi vedomstvoaralyq komıssııanyń otyrysynda talqylanady. Atalǵan komıssııa maquldaǵan «Aq» kitap zań jobalaryn ázirleýge negiz bolady», - dedi Marat Beketaev.
Foto: ult.kz
