Qazaqstanda NOMAD MMA aralas jekpe-jeginen «Altyn bala» álem chempıonaty ótti

NOMAD MMA Respýblıkalyq federatsııasynyń prezıdenti Gadjı Gadjıev bul chempıonat Nomad MMA Búkilálemdik federatsııasynyń jáne Qazaqstannyń jekpe-jek óneri Respýblıkalyq Odaǵy jarııalaǵan Balalar sportyn damytý jyly aıasynda uıymdastyrylǵanyn atap ótti.
 

Týrnırge túrli elderden 10-17 jas aralyǵyndaǵy 530 sportshy bala qatysqan.

Saıys qorytyndysy boıynsha 38 medal enshilegen qazaqstandyq sportshylar komandalyq esepte birinshi oryndy ıelendi. Ekinshi orynda - Reseı komandasy. Al úzdik úshtikti Ózbekstandyq órender túıindedi.

Aıta ketý kerek, bundaı deńgeıdegi chempıonatty ótkizý úshin ár túrli jastaǵy balalarǵa arnap daıyndyqtyń ádistemesin jasaýǵa, saıys erejelerin qabyldaýǵa, tóreshilik negizderin qalyptastyrýǵa 12 jyldan astam ýaqyt ketken. 9-12 jastaǵy balalarǵa jáne 13-17 jas aralyǵyndaǵy jasóspirimderge basa nazar aýdaryldy. Olardy múmkindiginshe jaraqattan qorǵaýǵa kúsh jumsaldy.
 

G. Gadjıevtiń aıtýynsha, Nomad MMA Qazaqstanda jeke sport túri retinde tanylǵan jáne bul kópjyldyq jumystyń mańyzdy nátıjesi sanalady.

Saıys sońynda Respýblıkalyq federatsııanyń prezıdenti Gadjı Gadjıev NOMAD MMA stıliniń negizin qalaýshy Sergeı Anǵa Ulttyq Olımpıada komıtetiniń NOMAD MMA-dy jeke sport túri retinde tanyǵany týraly sertıfıkatty tabystady.