Qazaqstanda neırohırýrg mamandar jetkilikti
ASTANA. 2 sáýir. QazAqparat - Qazaqstanda neırohırýrg mamandar jetkilikti. Bul týraly búgin elordada ótip jatqan «Qazaqstandyq ınterventsııalyq kardıologtar jáne rentgenhırýrgtar qoǵamy» respýblıkalyq qoǵamdyq birlestiginiń І sezi barysynda Respýblıkalyq neırohırýrgııa ǵylymı ortalyǵynyń dáriger neırohırýrgi Myńjylqy Berdiqojaev aıtty.
«Mundaı sezder bizdiń mamandardyń bilimin arttyryp, biliktiligin bólisýge óte úlken jaǵdaı jasaıdy. Sharaǵa Reseıden, Qyrǵyzstannan jáne Qazaqstannyń búkil aımaqtarynan bilikti hırýrgtar kelip otyr», - dedi ol.
Onyń atap ótýinshe, qazirgi tańda elimizde neırohırýgııa mamandaryn jetkilikti dep aıtýǵa tolyq negzi bar. Degenmen ınterventsııalyq ota jasaıtyn neırohırýgtar tek Astanadaǵy ortalyqta ǵana jumys isteıdi.
«Qazirgi ýaqytta bizdiń ortalyqta jylyna 2 myńnan astam ota jasaıdy. Onyń ishinde qan tamyrlaryna jabyq túrde jasalatyn 200-den astam ota bar. Jalpy, bizge kelip emdeletin naýqastar óte kóp. Olardyń barlyǵyna Úkimettiń arqasynda tegin ota jasalady. Aqyly túrde de ota jasalady, biraq tamyr arqyly jasalatyn operatsııalar óte qymbat bolǵandyqtan ol tek Úkimet tarapynan kvota arqyly ǵana júrgiziledi», - dedi ol.
