Qazaqstanda neshe qyzǵylt qoqıqaz bar

ASTANA. KAZINFORM – Ekologııa jáne tabıǵı resýrstar mınıstrligi Kazinform saýalyna joldaǵan jaýapta el aýmaǵynda uıa basatyn qyzǵylt qoqıqazdardyń sanyn atady.

- Qyzǵylt qoqıqaz Qazaqstandaǵy Sırek kezdesetin jáne joıylyp ketý qaýpi bar ósimdikter men janýarlar túrleriniń tizimine engizilgen. Onyń sany 10-50 myń daraq dep baǵalanady. Mınıstrlik qyzǵylt qoqıqazdyń sanyn saqtaý jáne arttyrý úshin onyń mekendeý oryndaryn qorǵaýdy kúsheıtý jumystaryn júrgizip otyr. Sondaı-aq qustardyń sanyn jáne olardyń ekojúıeleriniń jaǵdaıyn júıeli túrde monıtorıngten ótkizedi, - dep jazady mınıstrlik mamandary.

Vedomstvonyń deregi boıynsha, qoqıqaz uıa salatyn aýmaqtarda apparattar ushyrýǵa shekteý bar.

- Qustarǵa qaýip tóndiretin faktorlardy azaıtý úshin qoqıqazdardyń uıa salý kezeńinde olardyń shoǵyrlanǵan aımaqtary ústinen tómen ushatyn apparattardyń ushýyna tyıym salyndy. Sondaı-aq qoqıqazdyń negizgi qoregi sanalatyn artemııanyń zańsyz aýlanýyna qarsy sharalar qabyldanyp jatyr, - delingen mınıstrlik jaýabynda.

Eske salsaq, Prezıdent Qasym-Jomart Toqaev Býrabaıdaǵy Ulttyq quryltaıda qyzǵylt qoqıqazdarǵa qater tónip turǵanyn aıtqan edi.