Qazaqstanda neshe adamǵa pedofıl dıagnozy qoıylǵan
Sońǵy kezde bala zorlaý deregi jıilep ketti. Psıhıatr dárigerdiń pikirinshe, mundaı asa aýyr qylmystyń sebebi kóp. Sondyqtan onymen túrli deńgeıde kúresý kerek ekenin aıtady, dep habarlaıdy Kazinform.
Respýblıkalyq psıhıkalyq densaýlyq ǵylymı-praktıkalyq ortalyǵynyń bas dırektorynyń orynbasary Nábı Esimovtyń aıtýynsha, kishkentaılar tek pedafılder tarapynan ǵana emes, deni saý adamdar tarapynan da seksýaldy zorlyqqa ushyraýy múmkin.
«Balalarǵa zorlyq kórsetkenderiń ishinde pedafıldermen qosa basqa da adamdar bolatynyn atap ótkim keledi. Sebebi, biz olardyń qandaı motıvte ondaı azǵyndyqqa barǵanyn bilmeımiz. Sondyqtan árbir adamdy jeke qarastyryp, jeke zerttep baryp onyń pedafıldik aýytqýy bar-joǵyn anyqtaımyz. Jalpy, biz pedafıldikti halyqaralyq aýrýlar jiktemesiniń 10-shy qaralýy boıynsha qaraımyz, ıaǵnı dıagnostıkalyq krıterıı anyqtap beredi: Qumarlyǵy bar naýqas 18 jasqa tolý kerek jáne kem degende bes jas kishi adamǵa qumarlyǵy bolýy kerek. Tek osylaı anyqtaı alamyz», - deıdi ol.
Psıhıatrdyń sózinshe, zorlyqqa ushyraǵan balamen mindetti túrde mamandar keshendi jumys júrgizýi tıis.
«Zorlyq-zombylyqqa ushyraǵan balaǵa túbegeıli em júrgizý qajet. Eń aldymen, olar psıhologtiń kómegine muqtaj. Óz kezeginde psıhıatrlar psıhoterapııalyq ádistermen ishki jan dúnıesindegi negatıvti syrtqa shyǵarýy kerek. Álbette, ana-analardyń da róli zor», - deıdi maman.
Nábı Esimov elde qansha adamǵa pedofıl dıagnozy qoıylǵanyn atap ótti.
«Bizde pedofıl dıagnozy qoıylǵan naýqastar bar. Eger olar zorlyq-zombylyq jasaǵan bolsa, olarǵa májbúrlep emdeý protsedýrasy taǵaıyndalady. Qazirgi tańda Qazaqstanda 37 adamǵa pedofıl dıagnozy qoıylǵan. Olarǵa hımııalyq kastratsııa túrinde májbúrlep emdeý sharasy qoldanyldy jáne dınamıkalyq baqylaýǵa alyndy», - deıdi dáriger.
