Qazaqstanda nekesin qıǵan juptar azaıdy
«2022 jyldyń qańtar-maýsymynda Qazaqstanda 55,1 myń jup nekesin tirketken. Bul kórsetkish bir jyl burynǵydan 15,2 paıyzǵa az boldy. Qalalarda nekege turý sany bir jylda 5 paıyzǵa (42,6 myńǵa deıin), aýyldarda 38,1 paıyzǵa (12,5 myńǵa deıin) qysqardy», - delingen ranking.kz málimetinde.
2022 jyldyń birinshi jartyjyldyǵynda ajyrasqandar 9 myńdy qurap, bul bir jyl burynǵydan 5 paıyzǵa az. Qalalarda ajyrasýlar sany bir jylda 3,1 paıyzǵa (7,1 myńǵa deıin), aýyldarda 11,8 paıyzǵa (1,9 myńǵa deıin) azaıdy.
Óńirlik turǵyda juptardyń kópshiligi nekelerin Almatyda tirkedi (7,1 myń jup). Osy kórsetkish bir jyl burynǵydan 14,7 paıyzǵa az boldy
Sonymen qatar, bul úshtikke halqy tyǵyz ornalasqan Túrkistan (6 myń, bir jylda 16,9% kem) jáne Almaty (5,6 myń, 17,1% kem) oblystary endi. Qıylǵan neke sany boıynsha eń az kórsetkish Soltústik Qazaqstan oblysynda anyqtaldy. Atalǵan merzimde 1,5 myń neke tirkelip, bir jylda 2,6 paıyz deńgeıinde ósim boldy.
Budan bólek, ajyrasýlar sany boıynsha Almaty (1,2 myń), Almaty (1 myń) jáne Qaraǵandy (937) oblystary alda tur. Eń az ajyrasý Qyzylorda oblysynda (201) boldy.
Foto: pixnio.com
