Qazaqstanda nekeni tirkeýge árbir tórtinshi ótinish onlaınmen berilýde
ASTANA. 29 qarasha. QazAqparat - Aǵymdaǵy jyly Qazaqstanda nekeni tirkeýge árbir tórtinshi ótinish onlaınmen beriletini týraly TMD elderi úshin Elektrbaılanys Halyqaralyq Odaǵynyń Óńirlik semınarynda, óziniń sóz sóıleý barysynda «Ulttyq aqparattyq tehnologııalar» AQ Іlgeriletý jáne marketıng departamentiniń dırektory Dınara Myrzabekova aıtyp ótti. Bul týraly QR Kólik jáne kommýnıkatsııa mınıstrliginiń baspasóz qyzmetinen habarlaıdy.
Máskeýde keshe aıaqtalýdaǵy is-sharanyń taqyryby «Jahandyq aqparattyq qoǵamda ıntegratsııa sharttarynyń biri retinde elektrondyq úkimetti damytý» boldy.
Onyń «Adamdar úshin memleket» sektsııasynyń biri ákimshilik-memlekettik qyzmetiniń ashyqtyǵy, aıqyndyǵy jáne tıimdiligi deńgeıin arttyrýǵa arnalǵan. Qazaqstan Respýblıkasynyń elektrondyq úkimeti óziniń aldynda atap aıtqanda dál sondaı maqsattardy qoıyp otyr.
Qazirgi kezeńde elde onlaın túrde lıtsenzııalardyń 100%-y beriledi, jáne barlyq kompanııalar óz bıznesin ınternet arqyly tirkeıdi. Búgingi kúni jyldyń basynan bastap e-úkimet portaly arqyly 19 000 zańdy tulǵalar tirkeldi.
Aǵymdaǵy jyly barlyq áleýmettik-mańyzdy qyzmetter elektrondyq formatqa kóshiriledi. Bul rette ońtaılandyrýdyń jáne avtomattandyrýdyń arqasynda, olardy alǵan kezinde jyl saıyn 40 mıllıon asa qujattardy berý qajettiligi joıyldy.
Búgin egov.kz portalyna kún saıyn 45 000 myńǵa jýyq paıdalanýshylar kiredi, al kórsetiletin qyzmetter sany byltyrǵy jylmen salystyrǵanda 3,5 ese artty.
