Qazaqstanda nekege turý úshin qaı aılar jıi tańdalady
ASTANA. KAZINFORM — Bıylǵy toǵyz aıda Qazaqstanda 84 myńnan astam neke tirkeldi. Resmı statıstıka qazaqstandyqtardyń otbasyn qurý úshin qaı aılardy jıi tańdaıtynyn kórsetti. Bul týraly «Azamattarǵa arnalǵan úkimet» memlekettik korporatsııasy málim etti.
Korporatsııanyń málimetinshe, nekeniń eń kóbi Almaty qalasynda tirkelse, ekinshi orynda — Astana qalasy, al úzdik úshtikti Túrkistan oblysy túıindeıdi.
Al otbasylyq ómirdi bastaý úshin qazaqstandyqtar jıi maýsym aıyn tańdaǵan eken. Osy aıda 15 192 neke tirkelgen.
Ekinshi orynda tamyz aıy tur. Bul aıda 11 761 jup nekesin qıdyrǵan.
Úshinshi orynǵa shilde aıy jaıǵasqan. Osy kezeńde 11 674 neke tirkelgen.
Al qyrkúıek aıynda 9 855 jup otbasyn qursa, sáýirde 8 001 neke tirkelgen.
Buǵan deıin Qazaqstanda neke sany boıynsha Almaty kósh bastaǵanyn jazdyq.
