Qazaqstanda nekege turǵandar qatary kóbeıdi

ASTANA. QazAqparat – Elimizde neke qııý kórsetkishi ósti. Degenmen, keıingi on jylmen salystyrǵanda áli de tómen, dep habarlaıdy QazAqparat Birinshi kredıttik bıýroǵa silteme jasap.

«Bıylǵy jyldyń II toqsanynda 29,3 myń neke tirkeldi. Bul - ótken jylmen salystyrǵanda 6,1% nemese 1,7 myńǵa artyq. Atalǵan derekti Ulttyq statıstıka bıýrosy keltirip otyr. Degenmen, kórsetkish neke qııý optımızmine asa áser etpeıdi. Bıylǵy sáýir-maýsym aralyǵyndaǵy neke qııý sany - sońǵy 10 jyldaǵy eń tómengi kórsetkish. 2020 jyldyń II toqsanyndaǵy kórsetkish tipti az bolǵan (16,6 myń neke qıyldy). Jaǵdaıǵa pandemııa áser etti. Jalpy, 2014 jyldan elimizde neke qııý kórsetkishi 20,4% nemese 7,5 myńǵa qysqardy», - delingen bıýro habarlamasynda.

Aqparatta aıtylǵandaı, neke qııý ósimi óńirlerde jıi baıqalady.

«Neke qııýdan jyldyq ósim boıynsha kósh basynda - Almaty oblysy. Ekinshi orynda - Qaraǵandy oblysy. Kerisinshe ońtústiktegi 5 óńirde neke qııý kórsetkishi azaıǵan, onyń ishinde Almaty qalasy da bar», - deıdi birinshi kredıttik bıýrodan.