Qazaqstanda nekege tirkelgen juptardyń 16%-y bala súıe almaıdy

ASTANA. QazAqparat - Búgin Astanada QR Memlekettik hatshysy Gúlshara Ábdiqalyqovanyń tóraǵalyǵymen QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń kezekti otyrysy ótti. Onda basqa da mańyzdy taqyryptarmen qatar er-azamattar densaýlyǵyna baılanysty məseleler talqylandy.

Ulttyq komıssııa múshesi, «Ulttyq neırohırýrgııa ortalyǵy» AQ dırektorlar keńesiniń tóraǵasy Beksultan Tutqyshevtiń aıtýynsha, QR Konstıtýtsııasynyń 27-baby ana men balanyń, sonymen qatar əkeniń densaýlyǵyna kepildik beredi.

«Ana men bala densaýlyǵyn saqtaýda biz úlken jetistikterge jetsek te, ókinishke qaraı, er adamnyń, ıaǵnı əkeniń densaýlyǵyn saqtaýdaǵy konstıtýtsııalyq norma búgingi kúnge deıin óz sheshimin taba almaı kele jatyr», - dep atap ótti ol.

Onyń aıtýynsha, byltyr birqatar talqylaýlardan keıin alǵash ret er adamdardyń densaýlyq məselesi óz deńgeıinde kóterildi. Sonyń nətıjesinde byltyr Densaýlyq saqtaý jəne əleýmettik damý mınıstrligi emhanalar janynan andrologııalyq kabınetter ashý týraly buıryqqa qol qoıdy.

«ıAǵnı, búginde densaýlyq saqtaý týraly konstıtýtsııalyq normany júzege asyrý qolǵa alyndy. Er adamdar arasyndaǵy ólim-jitimniń joǵary kórsetkishi jəne basqa da məseleler týraly biz jaqsy bilemiz. Sondyqtan bul óz ýaqytynda qolǵa alynǵan shara dep oılaımyn. Endi 5-10 jyldan keıin jaǵdaı turaqtanady degen úmittemiz», - deıdi B.Tutqyshev.

Onyń aıtýynsha, endi er-azamattar arasynda túsindirý jumystaryn júrgizip, androlog mamandardy kóptep daıyndaýǵa kirisý qajet.

Mamannyń keltirgen məlimetteri boıynsha, Qazaqstanda tirkelgen juptardyń 16%-y bala súıe almaıdy. Onyń negizgi sebepteriniń biri - erkekterdiń reprodýktıvtik problemalary bolyp tabylady.