Qazaqstanda neke sany boıynsha Almaty kósh bastady
ASTANA. KAZINFORM — Qazaqstanda jubaılar shańyraq kóterý úshin kóbine jaz aılaryn tańdaıdy. Jyl basynan beri neke qııý boıynsha maýsym kósh bastasa, shilde ekinshi, sáýir úshinshi orynda tur. Bul týraly Ulttyq statıstıka bıýrosy málimdedi.
Jyl basynan beri Qazaqstanda myńdaǵan neke tirkeldi. Jas jubaılar úshin jyldyń ár kezeńiniń ózindik ereksheligi bar ekeni baıqalady.
Stat bıýro «Qyzyqty statıstıka» aıdarynda qazaqstandyqtardyń jyldyń qaı mezgilinde shańyraq kóterýge kóbirek beıim ekenin jáne qaı aı neke qııý boıynsha kósh bastaǵanyn kórsetti.
Neke sany boıynsha alǵashqy úshtikte Almaty qalasy, Astana qalasy jáne Túrkistan oblysy kósh bastap tur.
Máselen, maýsym aıynda 15 192 neke tirkelse, shildede 11 674 shańyraq kótergen, al sáýirde elimiz boıynsha 8001 neke kýáligi otaý kótergen juptarǵa berilipti.
Eske sala keteıik, 2026 jyldyń 26 maýsymynda (26.06.2026) Almatyda neke qııýǵa 800 astam jup ótinish bergen bolatyn. Dál osy datada neke qııýǵa nıet bildirgen almatylyqtar taǵy kósh bastaǵan bolatyn.
