Qazaqstanda neke júziginiń baǵasy ósti

ASTANA. KAZINFORM – Naýryz aıynyń qorytyndysy boıynsha altyn neke saqınalarynyń baǵasy aılyq mánde 5,5% ósse, jyldyq mánde 45% qymbattaǵan. Bul týraly Ulttyq statıstıka bıýrosy habarlady. 

Óńirler bólinisinde eń tómengi jyldyq qymbattaý Mańǵystaý oblysynda tirkeldi – 14,5%, Shymkentte – 29%, Astanada – 29,9%. Jas jubaılarǵa arnalǵan saqınalardyń baǵasy Ulytaý oblysynda eń qatty qymbattaǵan – bir jyldaǵy ósim – 71%. 

Sonymen qatar Qazaqstanda zergerlik buıymdar óndirisi artyp keledi. 2024 jylmen salystyrǵanda, 2025 jyldyń qańtar-jeltoqsan aralyǵynda óndiris kólemi 7,7% ósip, 2,7 mlrd teńgeni quraǵan.

Eske sala keteıik, budan buryn elimizdiń qaı óńirinde nekege turýǵa májbúrleý órship turǵanyn jazǵanbyz.