Qazaqstanda negizgi kapıtalǵa salynǵan ınvestıtsııalar 7,8% ósti

NUR-SULTAN. QazAqparat - Qazaqstanda negizgi kapıtalǵa salynǵan ınvestıtsııalardyń kólemi 2019 jyldyń qańtar-mamyr aılarynda 3 879,3 mlrd. teńgeni qurady.

Bul 2018 jyldyń uqsas kezeńimen salystyrǵanda 7,8% -ǵa artyq, dep habarlaıdy «QazAqparat» HAA QR Ulttyq ekonomıka mınıstrliginiń Statıstıka komıtetine silteme jasap.

Negizgi kapıtalǵa salynǵan ınvestıtsııalardyń negizgi úlesi qańtar-mamyr aılarynda taý-ken óndirý ónerkásibi men karerlerdi qazýda (54,6%), jyljymaıtyn múlikpen operatsııalar (12,7%), tasymaldaý jáne qoımalaý (7,3%) boldy. Іri kásiporyndar ınvestıtsııalarynyń kólemi 2 451 mlrd. teńgeni qurady.

Ashat Ahmetbekov