Qazaqstanda negizgi kapıtalǵa salynǵan ınvestıtsııa kólemi 2,3 paıyzǵa artty
ASTANA. QazAqparat - Qazaqstanda 2015 jyldyń qańtarynda negizgi kapıtalǵa salynǵan ınvestıtsııa kólemi 248,983 mlrd teńgeni qurady. Bul kórsetkish 2014 jyldyń qańtarymen salystyrǵanda 2,3 paıyzǵa artyq.
Ulttyq ekonomıka mınıstrligi Statıstıka komıtetiniń málimetine qaraǵanda, ınvestıtsııalyq salymdar úshin meılinshe tartymdy salalar taý-ken ónerkásibi men karerler óndirisi bolyp, olar jalpy ınvestıtsııanyń 51,4 paıyzyna teń bolǵan.
«Investıtsııanyń basym kózderi sharýashylyq sýbektileriniń ózindik jeke qarajattary bolyp tabylady, al olardyń úles salmaǵy 2015 jyldyń qańtarynda 74,5 paıyzǵa teń boldy. Sonymen qatar, ınvestıtsııadaǵy memlekettik bıýdjettiń úlesi - 2 paıyzdy, bankter kredıti - 3,2 paıyzdy, zaem qarajattary - 20,3 paıyzdy, rezıdentter emesterdiń zaemdyq qarajattary - 17,1 paıyzdy quraǵan», - delingen baspasóz baıanynda.
Sonymen qatar, málimetterge qaraǵanda, Qazaqstanda 2015 jyldyń qańtarynda júk aınalymy 2014 jyldyń qańtarymen salystyrǵanda 22 paıyzǵa artyp, 40,693 mlrd tonna/shaqyrym quraǵan.
