Qazaqstanda negizgi kapıtalǵa salynǵan ınvestıtsııa 25,8 paıyzǵa artty
ASTANA. QazAqparat - Qazaqstanda negizgi kapıtalǵa salynǵan ınvestıtsııa 25,8 paıyzǵa artty, dep habarlaıdy QazAqparat tilshisi.
Qysqa merzimdi ekonomıkalyq ındıkator 2018 jylǵy qańtar-maýsymda 2017 jylǵy qańtar-maýsymǵa qaraǵanda 105,2 paıyzǵa kóbeıdi. Qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JІÓ-niń 60 paıyzynan astamyn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi», - delingen QR UEM Statıstıka komıtetiniń málimetinde.
Vedomstvo aqparatyna sáıkes, 2018 jylǵy qańtar-maýsymda negizgi kapıtalǵa salynǵan ınvestıtsııalar kólemi 4529,9 mlrd teńgeni qurady. Bul 2017 jylǵy qańtar-maýsymǵa qaraǵanda na 25,8 paıyzǵa artyq.
2018 jylǵy qańtar-maýsymda ónerkásip óndirisiniń kólemi qoldanystaǵy baǵalarda 13171,7 mlrd teńgeni qurady. Bul 2017 jylǵy qańtar-maýsymǵa qaraǵanda 5,2 paıyzǵa joǵary. Ken óndirý ónerkásibinde jáne karerlerdi qazýda óndiris kólemi 5,5, óńdeý ónerkásibinde - 5,2, elektrmen jabdyqtaý, gaz, bý berý jáne aýa baptaýda - 4,4 paıyzǵa artty. Sýmen jabdyqtaýda, káriz júıesi, qaldyqtardy jınaý jáne bólýdi baqylaýda óndiris kólemi 2,2 paıyzǵa tómendedi.
