Qazaqstanda NEET sanatyndaǵy jastar sany 7 myńnan astam adamǵa azaıdy
ASTANA. KAZINFORM – Qazaqstanda oqymaıtyn jáne jumys istemeıtin jastardyń sany bir jylda 7 myńnan astam adamǵa azaıdy. Bul týraly Mádenıet jáne aqparat vıtse-mınıstri Evgenıı Kochetov Halyqaralyq jastar kúnine arnalǵan brıfıngte málim etti.
«Otbasynyń tsıfrlyq kartasy» deregine sáıkes, 2026 jylǵy shildede NEET sanatyndaǵy jastar sany 102 295 adamdy quraǵan. Bir jyl ishinde olardyń sany 7 328 adamǵa nemese 6,7 paıyzǵa azaıǵan.
– Sońǵy jyldary NEET sanatyndaǵy jastardyń jalpy úlesi de tómendep keledi. 2023 jyly bul kórsetkish 7,3 paıyz bolsa, 2024 jyly 6,5 paıyzǵa, al 2025 jyldyń qorytyndysynda 6 paıyzǵa deıin tómendedi. Qazir NEET sanatyndaǵy jastarmen jumys barysynda «Otbasynyń tsıfrlyq kartasyndaǵy» derekter paıdalanylady, - dedi vıtse-mınıstr.
Aıta keteıik, Qazaqstanda 235 jastar resýrstyq ortalyǵy jumys isteıdi. Olar jastarǵa bilim alý, jumysqa ornalasý jáne turǵyn úı máseleleri boıynsha keńes berip, psıhologııalyq jáne quqyqtyq kómek kórsetedi.
Eske salaıyq, qazir elimizde 2023-2029 jyldarǵa arnalǵan memlekettik jastar saıasatynyń tujyrymdamasy júzege asyrylyp jatyr. Ony iske asyrý josparyna 80-nen astam is-shara men joba engizilgeni habarlandy.
