Qazaqstanda nebári 108 300 kıik qalǵan - AShM
«Byltyr 2015 jyly Betpaqdala taralymynyń jappaı qyrylýynan keıin 2016 jylǵy kıikterdiń sanaǵy boıynsha aqparat bergimiz keledi. Bıyl kıikterdiń sanaǵy sáýir-mamyr aılarynda ótti. Úsh taralymda - Betpaqdala, Oral jáne Ústirt taralymynda áýe sanaq júrgizdik. Betpaqdala taralymyndaǵy kıik sany - 36200 kıikti qurady, Oral tarylymynda - 70200 kıik, Ústirt taralymynda - 1900 bas kıik tirkeldi»,-dep habarlady búgin mınıstrlikte ótken arnaıy brıfıng barysynda AShM Janýarlar dúnıesi jáne ańshylyq sharýashylyǵy basqarmasynyń basshysy Baqytbek Dúısekeev.
Brıfıngke qatysqan Aýyl sharýashylyǵy mınıstrliginiń ókilderi byltyr Qazaqstandaǵy kıikterdiń neden qyrylǵany áli naqty anyqtalmaǵanyn aıtyp, burynǵy boljam - juqpaly aýrý bolýy múmkin degendi alǵa tartty.
«Eń kóp kıik meken etetin Oral taralymy, osyny eskere otyryp, Aýyl sharýashylyǵy mınıstrligi Orman jáne ańshylyq sharýashylyǵy komıteti Oral taralymynyń kúzetilýine, kıiktiń taralýyna asa nazar salyp otyr. Bıyl mamyr aıynda Oral taralymyn kúzetý, qorǵaý jumystary úshin naqty Oral qalasynda arnaýly « Ohotzooprom» mekemesiniń fılıalyn ashtyq. Ol fılıalǵa qyzmetkerler sany boıynsha da, tehnıka jaǵynan da kómek kórsetip otyrmyz. «Ohotzooprom» mekemesiniń janynan tórt arnaıy top quryldy. Árbir topqa jol talǵamaıtyn eki kólik, árbir kólikke eki ınspektordan bóldik. Eki top Astanada, eki top Qyzylordada jumys isteıdi»,-dep atap ótti B.Dúısekeev.