Qazaqstanda náresteni aıaýsyz urǵan áıel Ózbekstanda jazalanady
ASTANA. QazAqparat - Qazaqstan polıtsııasy náresteni aıaýsyz urǵan áıeldiń isin Ózbekstanǵa tapsyrý baǵytynda jumys isteýde.
Búgin Parlament Májilisiniń jalpy otyrysy barysynda tilshiler saýalyna jaýap berý kezinde QR Іshki ister mınıstri Qalmuhanbet Qasymov osylaı málim etti, dep habarlaıdy QazAqparat.
«Ol Ózbekstan azamatshasy, biraq qylmysty bizdiń elde jasady. Qazirgi kezde ol óziniń memleketinde. Sondyqtan da bizdiń qyzmetkerler kórshi elge baryp, ýaǵdalastyqqa sáıkes tergeý júrgizdi. Qazirgi kezde Bas prokýratýra arqyly qylmystyq istiń materıaldaryn Ózbekstanǵa tapsyrý týraly máseleni sheshýdemiz»,-dep túsindirdi Qasymov.
Eske salsaq, aǵymdaǵy aıda jelide náresteni aıaýsyz urǵan atyshýly vıdeo paıda bolǵan edi. Keıin áıel Ózbekstannan tabyldy.
«Ózbekstan Respýblıkasy ІІM-men birlesken jedel-izdestirý sharalary barysynda kórshi memleket aýmaǵynan shaqalaqqa qatygezdik kórsetken kúdikti Ózbekstan azamatshasy anyqtalyp, odan jaýap alyndy. Áıel kinásin tolyqtaı moıyndady. Sotaldy tergeý aıasynda kúdiktige qatysty sondaı-aq, memlekettik shekarany zańsyz kesip ótkeni jáne QR Kóshi-qon zańnamasyn buzǵany úshin jaýapkershilikke tartý máselesi sheshilýde», - dep habarlaǵan edi QR ІІM memlekettik til jáne aqparat deparamentiniń dırektory Almas Sádýbaev.
Vıdeojazba áıel dıvanda otyryp, bir jasqa tolmaǵan náresteni uryp jatqany anyq kórinedi. Ol «aýzyńdy jap» dep aıǵaılap, balany basynan, betinen aıaýsyz urýda. Bul áıeldiń Almaty turǵyny ekenin birneshe pikir bildirýshiler jazǵan bolatyn. Vıdeony 8 jasar qyz túsirgen. Qazir ol áıeldiń qaıda ekeni belgisiz. «8 jasar qyz anasy jumysta bolǵan kezde vıdeoǵa túsirip alǵan. Ony izdedik, ol basqa jerge kóship ketken, onyń qaıda ekenin eshkim bilmeıdi. Bizdi balanyń taǵdyry alańdatady. Onyń emıgrant ekeni belgili boldy. Ózi 8 aılyq júkti eken. Balanyń taǵdyryna alańdaıtyndar bolsa, bizge ony izdeýge kómektesýdi suraımyz», - dep jazdy áleýmettik jeli paıdalanýshy.
Proshý, prostıte za negatıvnye novostı so vcherashnego dnıa, no proıtı mımo ne mojem(((( Skajıte kto-nıbýd vladeet kakoı lıbo ınformatsıeı? Nado naıtı ee ı spasat rebenka!! Pomogıte naıtı avtora ılı etý besserdechnýıý tvar🙏🏻🙏🏻 #repost
