Qazaqstanda munaıdyń alty jańa ken orny anyqtaldy
ASTANA. KAZINFORM — 2025 jyly Qazaqstanda 127 mln tonnadan astam munaı qory bar ken oryndary jańadan qosyldy. Bul týraly QR Energetıka vıtse-mınıstri Erlan Aqbarov málim etti.
Onyń aıtýynsha, jańa ken oryndary negizinen elimizdiń batys óńirinde ornalasqan.
— Byltyr munaı qory 127 mıllıon tonnadan asatyn alty ken ornyn balansqa qoıdyq. Olar negizinen Mańǵystaý jáne Atyraý oblystarynda ornalasqan, - dedi E. Aqbarov Parlament Májilisinde tilshiler suraǵyna jaýap bere otyryp.
Sondaı-aq ol elimizde 15 shógindi basseın bar ekenin, onyń beseýinde shıkizat óndirý júrip jatqanyn aıtty. Qalǵan basseınderde geologııalyq barlaý jumystary áli de jalǵasyp keledi.
Jańa ken oryndaryndaǵy óndirýdi birinshi kezekte qazaqstandyq kompanııalar júzege asyratyn bolady.
Budan buryn habarlanǵandaı, QR Energetıka vıtse-mınıstri Erlan Aqbarov NKOK, QPO, TShO boıynsha jergilikti qamtýdy damytý qadamdaryn baıandady.
