Qazaqstanda munaı, tabıǵı gaz jáne metall óndirisi ulǵaıdy

ASTANA. QazAqparat - Ónerkásip óndirisiniń ındeksi 104,7 paıyzdy qurady, dep habarlaıdy QazAqparat tilshisi.

QR Ulttyq ekonomıka mınıstrliginiń málimetinshe, 2018 jylǵy qańtar-tamyzda 2017 jylǵy qańtar-tamyzben salystyrǵanda shıki munaı, tabıǵı gaz jáne metall kenderiniń óndirisi ulǵaıǵan. Tamaq ónimderi, temeki buıymdary, munaı óńdeý ónimderi, hımııalyq ónerkásip ónimderi, rezeńke jáne plastmassa buıymdary óndirisi, metallýrgııa ónerkásibi jáne mashına jasaý ónimderiniń óndiris kólemi artty.

Sonymen birge, negizgi farmatsevtıkalyq ónimderdi óndirý qarqyny tómendedi. 

Ónerkásip ónimderi óndirisiniń ósimi respýblıkanyń 13 óńirinde baıqaldy.