Qazaqstanda munaı salasynyń mamandary asa kóp bolyp otyr
ASTANA. QazAqparat - Qazaqstanda munaı salasynyń mamandary as kóp bolyp otyr. Búgin Májiliste Áleýmettik-mádenı damý komıtetiniń keńeıtilgen otyrysynda «Kásipqor Holdıngi» kommertsııalyq emes aktsıonerlik qoǵamynyń basqarma tóraıymy Eldana Sádýaqasova osylaı málim etti.
«Qazirgi ýaqytta elimizdegi munaı salasynyń mamandary shamadan tys kóp bolyp otyr. Jyl saıyn joǵary oqý oryndary men kolledjderden 7,5 myń adam munaı jáne gaz salasynyń mamandyǵyn alyp shyǵady. Dál osy sanattaǵylarǵa suranys tómen. Al bitirip shyǵatyndardyń shammen 2,5 myńy ǵana óz mamandyǵy boıynsha jumys taba alady», - deıdi Eldana Sádýaqasova.
Onyń aıtýynsha, Qazaqstanda 31 kolledj munaı jáne gaz salasy boıynsha mamandar daıarlaıdy. «Biz aldaǵy ýaqytta Atyraýdaǵy kolledjde osy oqý oryndarymen kezdesýdi josparlaımyz. Onda naqty suranystardyń perspektıvasy týraly boljamdardy, saraptamalardy kórsetpekpiz. Osy arqyly kolledjderge qandaı baǵyttar boıynsha jumys jasap, qaıta baǵdarlanýyna jaǵdaı jasamaqpyz», - dedi E. Sádýaqasova.
