Qazaqstanda munaı ónimderin tutyný byltyr 400 myń tonnaǵa artty - Pavlodar munaıhımııa zaýytynyń Bas dırektory
strong> Naýryzdyń 25-i. QazAqparat /Erlik Erjanuly/ - Qazaqstanda byltyr 68 mıllıon tonna munaı eksporttalyp, 12,3 mıllıon tonna munaı óńdeldi. Bul búgin Almatyda ótip jatqan 5-shi halyqaralyq munaıgazóńdeý jáne munaıhımııasy men munaı ónimderiniń KazRefinEx2010 sımpozıýmynda aıtyldy,
dep habarlaıdy QazAqparat.
«Qazaqstanǵa Reseıden byltyr 6 mıllıon tonna munaı jáne 2 mıllıon tonna munaı ónimderi ımporttaldy. Óńdelgen munaıdyń 6,6 mıllıony qazaqstandyq, 5,4 mıllıony reseılik munaı. Pavlodar munaıhımııa zaýytyna 4,1 mıllıon tonna (100 paıyz), Shymkent munaı óńdeý zaýytyna 1,23 mıllıon tonna, Atyraý munaı óńdeý zaýytyna 1,19 mıllıon tonna munaı Reseıden jetkiziledi. Sondaı-aq 970 myń tonna benzın, 390 myń tonna dızel otyny, 73 myń tonna avıakerosın, 36 myń tonna mazýt ákelindi», deıdi Pavlodar munaıhımııasy zaýtynyń Bas dırektory Shýhrat Danbaı. Onyń aıtýynsha, otandyq zaýyttardaǵy negizgi shıkizat jetkizýshiler Atyraýda «QazMunaGaz» saýda úıi, Shymkentte «Torǵaı Petrolıým». Jalpy 2009 jyly munaı ónimderin tutyný 9,7 mıllıon tonna boldy. Bul 2008 jylmen salystyrǵanda 400 myń tonnaǵa artyq. Osyǵan qaramastan munaı ónimderiniń ımporty birshama azaıdy. Máselen benzın burynǵy deńgeıde qalsa, kerosın 143 myńnan 73 myń tonnaǵa deıin kemip otyr.
