Qazaqstanda munaı óndirý boıynsha tarıhı rekord ornatyldy

ASTANA.KAZINFORM - Qazaqstanda ortasha táýliktik munaı óndirý 278,4 myń tonnaǵa jetti, dep habarlaıdy Kazinform Otyn-energetıka kesheniniń ahýaldyq-taldaý ortalyǵyna (OEK ATO) silteme jasap.

– 2025 jylǵy 26 qańtarda «OEK ATO» AQ jedel derekteri boıynsha Qazaqstanda ortasha táýliktik munaı óndirýdiń tarıhı rekordy tirkeldi – 278,4 myń tonna. Bul 2024 jyldyń sáıkes merzimimen salystyrǵanda 10,5%-ǵa artyq (251,9 myń tonna), - delingen habarlamada.

OEK ATO atap ótkendeı, bul nátıjege qol jetkizý «Teńizshevroıl» (TShO) kompanııasynyń bolashaq ósý jobasynyń (KKJ) negizgi kezeńderiniń aıaqtalýy jáne Teńiz ken ornyndaǵy úshinshi býyn zaýytynyń (TGZ) iske qosylýynyń arqasynda múmkin boldy.

Aıta keteıik, «Teńizshevroıl» jaýapkershiligi shekteýli seriktestigi Teńiz ken ornyndaǵy jańa úshinshi býyn zaýytynda shıki munaı óndirýdi bastady.

2024 jyldyń qarashasynda Energetıka mınıstri Almasadam Sátqalıev Qazaqstan 2026 jyldan bastap jyl saıyn 100 mıllıon tonna munaı óndiriletinin aıtqan bolatyn.

Elimizde munaı óńdeý zaýyttary keńeıtiletinin jazǵan bolatynbyz.